Cotobade reforzará os servizos municipais coa contratación de 20 traballadores
Por Redacción
O Concello de Cotobade contratará 20 traballadores desempregados seleccionados ao abeiro do Plan de Conservación e Funcionamento de Bens e Servizos Municipais 2015 da Deputación de Pontevedra a cal concedeulle ao Concello unha subvención de 83.63760 euros.
Os candidatos remitidos dende a oficina de emprego participaron nun proceso selectivo consistente, nun primeiro lugar, na valoración de méritos alegados como a experiencia en postos similares desempeñados con anterioridade, formación e cursos. E nun segundo lugar na realización dunha proba práctica relacionada co posto de traballo a desempeñar.
Estes 20 traballadores serán os encargados das tarefas de desbroce mecánico e do servizo de recollida de lixo así como labouras de mantemento xeral, é dicir, arranxos de albanelería, mantemento das instalacións eléctricas, fontanería ou limpeza.
Outras das funcións a realizar por estes traballadores será a conservación do mobiliario municipal e na mellora, conservación e mantemento das infraestructuras básicas.
Algúns destes traballos desenvolveranse nas áreas recreativas e praias fluviais para garantir un óptimo estado de conservación, contribuindo o lecer de veciños e visitantes co conseguinte aumento do atractivo de Cotobade.