Dous feridos tras envorcar o Audi no que viaxaban á altura de Combarro
Por Redacción
O Centro de Atención de Emerxencias CAE 112 informou dun accidente con feridos rexistrado ás 16.16 horas deste mércores na estrada da costa entre Pontevedra e Sanxenxo, a PO-308 á altura da parroquia de Combarro.
O accidente consistiu nun xiro logo dunha saída de vía dun vehículo marca Audi no que viaxaban dúas persoas que sufriron feridas leves.
Os feridos foron trasladados en ambulancia a un centro hospitalario da capital.
Ao lugar do suceso acudiron Urxencias Médicas. a Policía Local e Protección Civil de Poio.