As obras da rede de sumidoiros en Pereiro-O Pozo comezarán en abril
Por Redacción
A consellería de Medio Ambiente, Territorio e Infraestruturas adxudicou o contrato de obra hidráulica por un importe de 522.000 euros á empresa Sevitec Medioambiente para iniciar as obras da rede de sumidoiros en Pereiro-O Pozo en Marín no mes de abril.
Estas obras conectarán os núcleos de Pereiro e O Pozo, que actualmente non contan cun servizo de saneamento e consistirán na instalación de case un quilómetro de colectores por gravidade e dous bombeos, un cunha capacidade de 3,5 litros/segundo e outro de 11.8. Dende cada un dos bombeos parte unha impulsión de 215 e 485 metros de lonxitude.
Trátase dun dos dous proxectos para o saneamento desta zona que en total alcanzan un investimento dun millón de euros. O segundo dos proxectos corresponde ao saneamento de Pereiro-Cadrelo, segundo informa a Consellería. Contará cun investimento de 540.000 euros e será licitado este mesmo mes. Estas actuacións recóllense nun convenio asinado en 2010 entre a Xunta e o Concello.
Relacionadas:
-
Esta semana comezan as obras de saneamento de Pereiro-O Pozo, no concello de Marín
Por Redacción |
-
Medio Ambiente licita as obras da rede de sumidoiros nos lugares de Pereiro e Cadrelo en Marín
Por Redacción |
-
Ethel Vázquez anuncia, sen fixar data, a posta en marcha do plan de saneamento da Ría de Pontevedra
Por Redacción |