Ethel Vázquez anuncia, sen fixar data, a posta en marcha do plan de saneamento da Ría de Pontevedra
Por Redacción
A conselleira de Medio Ambiente, Territorio e Infraestruturas, Ethel Vázquez, anunciou este xoves en Marín que a Xunta poñerá en marcha o plan de saneamento local na Ría de Pontevedra.
Vázquez non fixou unha data concreta, pero si solicitou a colaboración "dos concellos de Marín, Poio, Pontevedra e Vilaboa" para elaborar un diagnóstico preciso do estado das redes de saneamento e unha planificación das melloras e infraestruturas necesarias para evitar verquidos á ría.
A responsable de Medio Ambiente aludiu á oportunidade que supón a apertura de "un novo período operativo de fondos europeos" para lograr o financiamento necesario.
A conselleira incidiu en que "non se trata só de executar infraestruturas hidráulicas, senón que se debe lograr a máxima eficiencia nos sistemas de saneamento e depuración" que permita lograr o coidado dun ecosistema importante para outros sectores como a produción pesqueira ou o turismo, sinalou nunha reunión de traballo celebrada no Concello de Marín.
Nesa reunión Ethel Vázquez repasou xunto á alcaldesa, María Ramallo, a situación das actuacións de saneamento postas en marcha no municipio e que contan cun presuposto dun millón de euros para 2015.
Trátase das actuacións nos tramos Pereiro-O Pozo e Pereiro-Cadrelo.
Relacionadas:
-
O saneamento da ría de Pontevedra procurará financiación europea
Por Oskar Viéitez & Mónica Patxot |
-
Medio Ambiente licita as obras da rede de sumidoiros nos lugares de Pereiro e Cadrelo en Marín
Por Redacción |
-
As obras da rede de sumidoiros en Pereiro-O Pozo comezarán en abril
Por Redacción |
-
Presentan aos concellos da Ría o protocolo para abordar o seu plan de saneamento
Por Redacción |
-
Jacobo Moreira recrimina a BNG, AGE e PSOE que non teñen "o máis mínimo interese en sanear a Ría de Pontevedra"
Por Redacción |
-
Os socialistas chaman 'mamporreiro' a Moreira por pedirlle á Xunta unha análise das redes de saneamento da Ría
Por Redacción | Creada e actualizada