190.000 euros para cinco obras urbanas de mellora da rede de saneamento e pluviais
Por Oskar Viéitez
O Concello de Pontevedra acometerá cinco obras de mellora da rede de saneamento e pluviais.
Segundo informou o voceiro municipal, Raimundo González, unha das actuacións acometerase no entroncamento entre a Avenida de Bos Aires e a rúa Xosé Malvar, fronte á entrada para as piraguas do Centro de Tecnificación Deportiva. Son unhas canalizacións "potentes" de máis de 60 centímetros de diámetro que serán renovadas. Ademais dotarase á zona de novos pozos de rexistro. A actuación ten un presuposto de 52.428,22 euros.
Unha segunda obra localízase na rúa Rosalía de Castro, á altura da Casa do Mar. Substituirase unha canalización de 500 milímetros de diámetro e se repoñerán todas as acometidas das vivendas. O importe da reforma é de 41.307,37 euros.
Fronte ao Hospital Provincial sitúase a terceira das melloras que consiste en renovar toda a rede de fibrocemento por unha máis moderna de fundición dúctil. Neste caso son dúas canalizacións distintas, unha de saneamento de 300 e outra de pluviais de 150. O presuposto é de 35.217,41.
Tamén se mellorarán a rede de rede de sumidoiros e pluviais na Praza de la Constitución. Segundo informou Raimundo González, nese enclave existe un problema coa conexión de varias vivendas no ámbito das pistas polideportivas. O custo é de 35.308,65 euros.
Finalmente no entroncamento da rúa Xan Guillerme con Jofre de Tenorio conectaranse tres edificios coa rede de pluviais e saneamento. Ademais repararanse algunhas deficiencias na rede. O importe da mellora é de 25.119, 93 euros.