'De bruxas e bolboretas', unha marea de accións contra a violencia de xénero
Por Redacción
O Vicerreitorado do Campus do Pontevedra da Universidade de Vigo e o Concello de Pontevedra promoven o programa de promoción sociocultural, Tangram, unha iniciativa que acolle agora a proposta 'De bruxas e bolboretas' a través da que se desenvolverán diferentes actividades coa intención de promover a igualdade e a prevención ante os casos de violencia de xénero.
Esta iniciativa centrarase na realización de diferentes accións que se visibilizarán publicamente durante a semana previa ao 25 de novembro, con motivo do Día Internacional contra a Violencia de Xénero. A proposta centrarase en realizar equipos, formados por estudantes das diferentes facultades do campus de Pontevedra, que traballarán no desenvolvemento de campañas que desexen poñer en marcha, de manera creativa, para denunciar e sensibilizar en relación cos actos contra as mulleres. O obxectivo é intentar chegar á sociedade, dunha maneira semellante ao que sucedeu coa última campaña de cartelería.
Nas próximas semanas iniciarase unha campaña de captación de participantes e segundo explicaron as responsables de dinamización do programa Tangram, Orballo Gómez-Juncal e Ana Seoane, durante a presentación de 'De bruxas e bolboretas' no Concello pontevedrés, elaborarase un programa formativo que se centrará na área educativa, no da comunicación mediática e na artística. Este acto contará coa presenza da concelleira de Benestar Social, Carmen Fouces e do vicerreitor, Juan Manuel Corbacho.
Carmen Fouces sinalou que tamén está previsto, dentro das actividades, a elaboración dun mural permanente que se situará na denominada Praza 8 de marzo, no entroncamento entre a Peregrina e Daniel de la Sota. O mural, segundo apuntou, modificarase cando se produzan accións denunciables contra as mulleres.
Relacionadas:
-
Cando che digan: "Es miña", responde: "Tes o ticket?"
Por Natalia Puga |
-
Un estudo municipal busca determinar se os mozos pontevedreses son adictos ao móbil e á Internet
Por Alejandro Espiño |
-
Os actos do 25-N en Pontevedra xirarán en torno aos disfraces do machismo
Por Redacción |
-
Presentan o primeiro caderno de viaxe da cidade de Pontevedra
Por Oskar Viéitez & Mónica Patxot |
-
A Universidade e o Concello estreitan lazos a través de Tangram 2015
Por Redacción |
-
Dúas pezas e infinitas posibilidades de mobiliario urbano
Por Mónica Patxot & Oskar Viéitez |