O mércores día 4 de marzo, durante toda a xornada, realizaranse obras de reposición de capa de rodadura na intersección das rúas Benito Corbal con Daniel de la Sota.

Por todo iso, restrinxirase o acceso ás rúas Castelao e Daniel de la Sota dende a intersección de Sagasta con Cruz Gallástegui. Colocárase sinalización circunstancial de restrición de acceso garantindo o acceso a garaxes e servizos (Hospital, carga e descarga, etc).

Esta intersección foi obxecto de dous intentos fallidos de instalar un pavimento axeitado.

Despois da peonalización desta rúa probáronse diferentes alternativas a cada cual máis desastrosa. O goberno local pretende dar a esta enclave un tratamento diferenciado para destacar a prioridade dos peóns sobre os vehículos neste punto tan concorrido.

Este espazo será pintado de granate

Os traballos consistirán no fresado deste cruzamento e reparar o espazo aplicando asfalto que posteriormente será pintado de granate. Ademais, a súa preferencia peonil irá indicada no chan cunha sinalización de zona residencial.

Debido a que o resultado da anterior reparación non foi a esperada polo Concello, a empresa volverá a reparar a zona a cargo do custe da anterior intervención, que aínda non está abonada.