O PP alerta de que o Consello de Contas revisará 173 actuacións do Concello contrarias a Intervención
Por Redacción
Creada e actualizada
Creada e actualizada
Pontevedra lidera a lista do plan de traballo do Consello de Contas de concellos con poboación de entre 25.000 e 100.000 habitantes en canto a levantamentos de reparos por parte do alcalde ante informes desfavorables de Intervención. Así o denuncia o Partido Popular, a través do seu voceiro local Jacobo Moreira, ao sinalar que Pontevedra conta con 173 reparos durante o ano 2013 que serán investigados polo ente fiscalizador das contas e da xestión económico-financeira do sector público en Galicia.
"Para ser un concello tan bien gestionado, nos llama la atención cuando se compara con otros concellos" ironizou Jacobo Moreira destacando que en Lugo só se rexistran 12 levantamentos de reparos e en Santiago de Compostela a cifra sitúase en 76. O presidente local do PP de Pontevedra afirma que se se ten en conta as desobediencias en relación cos organismos autónomos do Pazo da Cultura e do Instituto Municipal de Deportes a cifra ascende a 206.
O informe do Consello de Contas recolle, entre outros puntos, once prórrogas irregulares, cinco relacionadas con persoal do concello nas que non quedaba claro a que se dedicaba o persoal, 20 ordes realizadas sen fiscalización e 14 posibles fraccionamentos de contrato, segundo apuntou o representante popular.
Dende as filas populares alértase de que esta actuación do órgano autonómico fiscalizador pode derivar en responsabilidade contable se non está motivado o levantamento dun reparo por parte do alcalde ou mesmo en responsabilidade penal. E Moreira engadiu que agora o organismo de control iniciará as investigacións que espera poidan estar finalizadas antes de que remate 2015.
O alcalde lamentou que, ao igual que en cada campaña electoral, "arrecian" este tipo de denuncias por parte do Partido Popular
LORES: "SON CUESTIÿNS DE TRÁMITE. NON HAI NADA QUE OCULTAR"
Con respecto a esta denuncia do Partido Popular, o alcalde de Pontevedra sinalou que o Consello de Contas "coñece todas ás contas do concello", ao igual que o PP, entre elas a liquidación do presuposto de 2013, obxecto desta presunta investigación. "Están máis que discutidas porque xa foron aprobadas no Pleno", afirmou Miguel Anxo Fernández Lores, e recordou que os populares teñen acceso a elas e poden investigalas "en profundidade".
En todo caso, Fernández Lores sinalou que "non levo a conta" dos reparos que levanta como alcalde. "Levanto os que me din os técnicos municipais", reiterou, antes de asegurar que se trata de "cuestións de trámite" ante as que "non hai nada que ocultar".
O alcalde lamentou que, ao igual que en cada campaña electoral, "arrecian" este tipo de denuncias por parte do Partido Popular, unha conduta que demostra que "non teñen proxecto para Pontevedra".
Relacionadas:
-
O PP denuncia: "Cada día que Lores entra en el Concello, incumple la ley"
Por Redacción |
-
Unanimidade na corporación de Pontevedra para aprobar as contas locais
Por Oskar Viéitez & Mónica Patxot |
-
Lores cre que o PP só intenta facer "algo de barullito" coas súas críticas ás contas municipais
Por Alejandro Espiño |
-
O PP denuncia 206 irregularidades do goberno de Lores que non trasladará á Fiscalía
Por Redacción |