A Anpa do Álvarez Limeses trasladará á Fiscalía a repartición de subvencións por "suposta prevaricación"
Por Oskar Viéitez
A Asociación de nais e pais de alumnos "Joaquín Costa" do Colexio Álvarez Limeses anunciou en rolda de prensa a súa intención de presentar un recurso contencioso-administrativo contra a resolución da Concellería de Educación do Concello de Pontevedra e as bases reguladoras da concesión de axudas as Anpas para realización de actividades durante o curso 2013-2014.
Tamén contemplan outras medidas de carácter xudicial penal, como é informar á fiscalía polo que entenden que pode ser un delito de prevaricación cometido no reparto destas axudas.
Os voceiros desta Anpa, Manuel Álvarez, Pablo Gómez e Juan Manuel Pérez, insistiron que la presentación deste recurso "en ningún momento pretende minorar nin prexudicar ás outras Anpas do municipio que concurriron a estas axudas".
Esta Anpa, que manexa un presuposto anual de 55.300 euros, presentou unha primeira solicitude aspirando a cuantía máxima das axudas, uns 2.300 euros. A solicitude contiña un erro nas cantidades ao non cadrar as facturas, polo que foi rexeitada nun primeiro momento. Por este motivo presentaron un recurso contra esta decisión ata que se emendou o erro e concedéronlles unha subvención de 935 euros que consideran "insuficiente".
Estes pais cren que as bases de concesión das axudas conteñen numerosas "irregularidades" (como unha terminoloxía confusa), e uns criterios subxectivos (como o interese xeral dunha actividade no ámbito municipal, ou que a actividade a subvencionar sexa unha proposta innovadora).
O concelleiro de Educación, Agustín Fernández, lamentou que dende esta Anpa non se puxesen en contacto con el para intentar solucionar este asunto antes de que acudan á Fiscalía falando de prevaricación. En todo caso, afirmou que "ás bases polas que se queixan son ás mesmas que se empregaron en anos anteriores para darlle subvención a Anpa do Álvarez Limeses e non se queixaron". Polo que entende Agustín Fernández que "non pode ser que ás bases sexan boas cando a subvención é importante e cando deixan de ser boas xa non lles convéncen".
"Non temos nada que ocultar, actuamos con absoluta transparencia. Que fagan o que teñan que facer", afirmou Agustín Fernández insistindo en que as portas do seu despacho están abertas para atender a calquera cidadán.
OUTRAS QUEIXAS
Ademais, esta Anpa trasladou as súas queixas pola insuficiente limpeza do recinto escolar e o comedor. Lamentan que no colexio Álvarez Limeses a limpadora que atende o colexio ten unha excesiva carga de traballo que imposibilita que poida realizar o seu traballo correctamente.
O concelleiro de Educación comparte que a ratio de metros cadrados que ten que atender cada limpadora é excesivo, "razón pola cal o grupo socialista se negou a apoiar a prórroga da empresa de limpeza mentras non se mellorase iso, entre outras cousas".
Finalmente os pais reiteran a súa queixa pola falta de limpeza do comedor escolar ao estar excluído do servizo que atende a concesionaria municipal aínda que neste caso Agustín Fernández sostén que a empresa que atende o comedor debe deixar o recinto limpo despois do seu uso e engade que, ao igual que pasa cos pavillóns deportivos, "o normal e o lóxico e que cada asociación que faga actividades que tamén se faga cargo da limpeza".
Relacionadas:
-
Pais de alumnos do Álvarez Limeses denuncian ao Concello ante o xulgado e a Fiscalía
Por Oskar Viéitez |
-
A Anpa do Álvarez Limeses sostén que Agustín Fernández xa estaba informado das súas reivindicacións
Por Redacción |
-
A Concellería de Educación concede axudas ás ANPA para a realización de actividades
Por Redacción |
-
Jacobo Moreira únese ás peticións da ANPA do Álvarez Limeses para a limpeza do comedor
Por Redacción |
-
O colexio Álvarez Limeses pide ao Concello que solucione o problema de limpeza no seu comedor
Por Oskar Viéitez |