A Concellería de Educación concede axudas ás ANPA para a realización de actividades
Por Redacción
A Concellería de Educación repartiu 24.670 euros en subvencións para financiar as actividades sen ánimo de lucro desenvolvidas polas Asociacións de Nais e Pais (ANPA) durante o curso escolar 2013-2014.
Un total de 18 ANPA presentaron as súas solicitudes en tempo e forma e repartiranse, deste xeito as axudas municipais. Son os casos de Anduriña, Areeiro, Andaina (Xunqueira 2), San Xosé (Campolongo), San Pedro (Parada-Campañó), San Martiño (Salcedo), Helenes (IES A Xunqueira 2), Pardo Bazán (Froébel), San Martín (EEI Verducido), Virxe do Carme (Pontesampaio), O Galo (Barcelos),Os Campos (EEI Fina Casalderrey), Cucú (EI A Parda), Río Lérez (Manuel Vidal Portela), San Miguel (Marcón), Joaquín Costa (Álvarez Limeses), Santo André de Xeve e Os Valados (Vilaverde-Mourente).
"Nin a Xunta de Galicia, nin a Deputación puxeron en marcha convocatorias de relevancia durante os últimos anos", dixo Agustín Fernández.
O concelleiro, Agustín Fernández, destacou que o importe total das axudas é o mesmo dos últimos anos, sen ningún tipo de redución. O concelleiro destaca, ademais, que "trátase das únicas axudas públicas ás que pode optar o movemento educativo, toda vez que nin a Xunta de Galicia, nin a Deputación Provincial puxeron en marcha convocatorias de relevancia durante os últimos anos".
Fernández tamén destacou que houbo "serias dificultades" para poder sacar adiante esta convocatoria, pois a recente Lei de Racionalización e Sostibilidade da Administración Local, impulsada polo Goberno de España, "retirou aos concellos toda competencia educativa máis alá do puro mantemento e conservación dos colexios", valorou.
Relacionadas:
-
A Anpa do Álvarez Limeses trasladará á Fiscalía a repartición de subvencións por "suposta prevaricación"
Por Oskar Viéitez |
-
Os reis da casa regresan ao colexio
Por Mónica Patxot & Oskar Viéitez |
-
Renovado o convenio entre Concello e a Fanpa para financiar, entre outros, os comedores escolares
Por Alejandro Espiño |
-
Case 1.600 rapaces pontevedreses participarán este ano nas ludotecas municipais de verán
Por Redacción |