Suspenden a licitación do novo contrato de mantemento de xardíns de Pontevedra
Por Redacción
O Tribunal Administrativo Central de Recursos Contractuais, dependente do Ministerio de Hacienda, suspende de xeito provisional o procedemento de contratación do servizo de mantemento de xardíns de Pontevedra, unha medida cautelar solicitada polo PP de Pontevedra á hora de presentar un recurso administrativo contra o citado contrato polas presuntas irregularidades que ve á hora de redactar o prego de condicións.
O PP levou o prego de condicións redactado polo Goberno local ante o Tribunal Administrativo Central coa intención de que se suspenda o contrato e o prego volva redactarse baseándeose en que, segundo o estudo realizado polos 'populares', infla a superficie de zonas verdes municipais.
O recurso administrativo fai referencia a dous exemplos de zonas infladas para o mantemento de xardíns. A primeira refírese aos terreos da antiga fábrica de Tafisa, una parcela que aínda non foi recepcionada polo Concello de Pontevedra, de modo que o PP considera que "non poden estar contemplados dentro do contrato de mantemento municipal". A segunda zona verde cuestionada é a relativa ao entorno de Pasarón, do que os 'populares' lembran que "en realidade trátase dun aparcamento e non contempla xardíns".
"Os prexuízos que poderían derivarse da continuación polos seus trámites do procedemento de contratación son de difícil ou imposible reparación"
A medida cautelar do Tribunal Administrativo central suspende o contrato á espera de que haxa unha resolución definitiva, dado que entenden que "os prexuízos que poderían derivarse da continuación polos seus trámites do procedemento de contratación son de difícil ou imposible reparación".
Dende o Partido Popular lamentan que o goberno de Lores este cerrado ao diálogo político porque do contrario non se tiña que ter apelado á intervención do Tribunal Administrativo Central. "Non entendo por que o Goberno local non quere reelaborar os pregos do contrato cando estes inclúen numerosos erros como os detectados nas zonas verdes dos colexios públicos. Tanto no Álvarez Limeses como no Froebel ou en Barcelos a superficie real de xardíns é inferior ao que se contempla no novo contrato", advirte César Abal.
"Non podemos consentir que os pontevedreses paguen cos impostos o coidado de xardíns que non existen ou de zonas verdes que corresponden a empresas privadas", advertiu o concelleiro César Abal, que lembra que a xestión das zonas verdes de Pontevedra converteuse no punto escuro do Goberno local de Miguel Anxo Fernández Lores.
A elaboración de este novo contrato xurde de xeito paralelo á investigación que está a levar a cabo a Fiscalía polas prórrogas irregulares concedida polo goberno local á empresa Elsamex, que ata o momento ven ocupándose do coidado dos xardíns municipais.
Relacionadas:
-
O PP sopesa recorrer ante o Contencioso o contrato de mantemento de xardíns
Por Oskar Viéitez & Mónica Patxot |
-
O Tribunal Administrativo Central referenda o contrato de mantemento de xardíns que cuestionaba o PP
Por Natalia Puga |
-
Oito empresas optan ao novo contrato de mantemento de xardíns e zonas verdes
Por Redacción |
-
O Concello agarda que a suspensión do novo contrato de xardíns se levante nuns días
Por Redacción |
-
O PP traslada a Fiscalía novas sospeitas de irregularidades co contrato de Elsamex
Por Alejandro Espiño |
-
O PP esixe a suspensión do contrato de xardíns por inflar as zonas verdes da cidade
Por Natalia Puga |
-
Sae a concurso o novo contrato de mantemento de xardíns en Pontevedra
Por Oskar Viéitez |
-
O PP leva a Fiscalía as presuntas irregularidades do contrato de xardíns en Pontevedra
Por Alejandro Espiño |