O PP non cre as "excusas" do goberno municipal polos atrasos do contrato de xardíns
Por Redacción
O Partido Popular non se cre as explicacións dadas polo Concello de Pontevedra para xustificar o atraso na tramitación do novo contrato para o mantemento de xardíns. O concelleiro César Abal asegura que o aumento do custo do servizo é unha "excusa" para non recoñecer que "estaban cometiendo una irregularidad". O goberno municipal, dixo, reaccionou tras "33 meses con un contrato en situación irregular".
Para os populares, non é certo que un novo contrato supoña obrigatoriamente un coste maior. Aseguran que todos os concellos que sacaron a concurso este contrato nos últimos anos conseguiron aforrar cartos aos cidadáns, "ponemos como ejemplo el caso de Ferrol, en el que el Concello llegó a ahorrar hasta un 30% sobre el anterior contrato e incluyendo 30.000 metros cuadrados a mayores", indicou Abal.
O edil do PP vinculou esta "tramitación urgente" do contrato aos contactos que a súa formación tivo coa Fiscalía, á que lle trasladou o expediente municipal para que investigue as presuntas irregularidades. En todo caso, recoñeceu que ata o de agora descoñecen se o Ministerio Público realizou algunha actuación relativa a este asunto.
O Partido Popular non dispón aínda dos pregos do novo concurso. Cando os teña, segundo César Abal, os analizarán polo miúdo e se achegarán tamén á Fiscalía, xunto co novo contrato de Ferrol "y esperemos que siga su camino".
Relacionadas:
-
O PP esixe a suspensión do contrato de xardíns por inflar as zonas verdes da cidade
Por Natalia Puga |
-
Sae a concurso o novo contrato de mantemento de xardíns en Pontevedra
Por Oskar Viéitez |
-
O PP leva a Fiscalía as presuntas irregularidades do contrato de xardíns en Pontevedra
Por Alejandro Espiño |