Arranca a campaña da vieira
Por Redacción
Case medio centenar de barcos botarán os rastros na ría de Arousa este luns na primeira xornada da nova campaña da vieira.
Ás dúas da tarde entrarán no porto de Tragove as tres toneladas de bivalvo previstas por agora para cada día.
Esta é unha das novidades desta campaña, a confraría comunicará diariamente aos armadores as cotas.
Os mariñeiros cobrarán 4 euros o quilo de vieira descargada.
Unha vez que chegue a Tragove a vieira someterase a un proceso de varias horas de depuración nas instalacións de Mariscos Veiro, despois, a empresa Porto de Cambados, encargarase do seu procesado e comercialización para o que xa reforzou o seu equipo con 30 novas incorporacións que serán máis cando se aproximen as festas do Nadal.