Localizan un octoxenario con alzheimer que se perdera
Por Redacción
Tombado no chan boca abaixo, e con leves síntomas de hipotermia localizaron a 350 metros da súa vivenda a un ancián de 84 anos, enfermo de Alzheimer, que desaparecera este venres da súa casa no lugar da Igrexa, na parroquia caldense de San Clemente.
Os voluntarios de Protección Civil de Caldas deron co paradoiro deste home pouco despois de que fose denunciada a súa desaparición. A desaparición produciuse en torno ás 16.00 horas e foi localizado pouco despois das 18.00 horas, nun camiño rural.
No operativo de busca participaron Protección Civil de Caldas, Cuntis e Porto do Son, Ambulancia da Estrada, GES de Valga, Policía Local e Garda Civil de Caldas.