A reforma do barrio de San Antoniño estenderase en 2015 ata a rúa Lepanto
Por Diego Espiño
As obras de reforma urbana que se están a levar a cabo nas rúas Gonzalo Gallas, Álvarez Limeses e Cervera Mercadillo terán continuación no ano 2015.
Así o anunciou este xoves o concelleiro de Urbanismo, Antón Louro, nunha visita aos traballos, que se espera estean concluídos "a mediados de decembro".
A intención do Concello pasa, segundo Louro, por "avanzar na remodelación integral das outras rúas do barrio de San Antoniño".
Estas actuacións estenderíanse "ata a rúa Lepanto", afectando tamén ás rúas José Millán e Javier Puig: "esa é a idea e espero que poidamos ir concretando ao longo do ano que vén", declarou o concelleiro.
As obras que se están a realizar neste momento contan cun presuposto próximo aos 413.000 euros, destinados a mellorar unha zona "que tiña un certo deterioro", sentenciou Antón Louro.
Relacionadas:
-
Á rehabilitación integral da rúa Javier Puig sáenlle 32 pretendentes, 14 de Pontevedra
Por Redacción |
-
Antes do mes de maio comezará a segunda fase das obras de San Antoniño
Por Redacción |
-
Decembro, mes clave para as obras de Santa Clara, Blanco Porto e o barrio de San Antoniño
Por Alejandro Espiño |
-
As obras do programa '+Boavila' chegan ao barrio de San Antoniño
Por Redacción |
-
As obras no barrio de San Antoniño ampliaranse a Gonzalo Gallas e Javier Puig
Por Alejandro Espiño |