Traballadores de Factoría Naval manterán unha xuntanza co administrador concursal o martes 18
Por Redacción
Os traballadores de Factoría Naval de Marín reuniranse o próximo martes 18 co administrador concursal para intentar coñecer os nomes das empresas que optan a comprar o estaleiro marinense. O equipo decatouse desta cita durante a asemblea que mantiveron nas instalacións na mañá deste venres 14 na que os representantes sindicais trasladaron información sobre a reunión mantida co conselleiro de Economía e Industria, Francisco Conde, esta mesma semana.
Por outra parte, o día 19 de novembro péchase o prazo para a presentación de propostas e, ao día seguinte, ábrense as ofertas en Madrid e o plantel, segundo informa o secretario comarcal de Comisións Obreiras, José Luis García Pedrosa, ten intención de que varios representantes sindicais se acheguen ata a capital para intentar reclamar un compromiso que garanta a continuidade dos 21 postos de traballo actuais.
García Pedrosa sinalaba que necesitan coñecer as ofertas para avaliar cal resulta máis beneficiosa para os traballadores. O xuíz, atendendo ao informe do administrador concursal, decidirá a quen adxudica a empresa. Os representantes sindicais tamén teñen previsto reunirse co maxistrado para trasladarlle a preocupación pola continuidade laboral.
Relacionadas:
-
O comité de traballadores de Factoría Naval agradece o apoio de María Ramallo
Por Redacción |
-
Nodosa, a un paso de mercar Factoría Naval de Marín ao ofertar 4,7 millóns de euros
Por Redacción |
-
O conselleiro de Industria comprométese a loitar porque o persoal de Factoría Naval continúe tras a venda
Por Redacción |
-
Reclaman á Xunta que condicione a venda de Factoría Naval de Marín
Por Redacción |