A empresa construtora de Pasarón, a xuízo por supostas facturas falsas nas obras do estadio
Por Redacción
A construtora Oreco, empresa encargada da reforma do Estadio Municipal de Pasarón, irá a xuízo por presuntos delitos de falsificación e contra a Facenda pública.
Segundo informa Elisa Lois na edición Galicia do diario El País, a xuíza instrutora da trama de facturas falsas do grupo empresarial 'Las Cinco Jotas' ten decicido abrir xuízo oral contra Oreco, involucrada nunha das pezas separadas da trama.
A investigación céntrase no período comprendido entre os anos 2006 e 2008, no que Oreco tería recibido dez facturas da empresa Las Cinco Jotas por traballos que supostamente non se realizaron, correspondendo dúas delas á construción de Pasarón.
Estas facturas referidas ao estadio teñen a mesma data e foron emitidas por dúas das sociedades do grupo investigado, segundo explica o citado diario, co concepto de traballos de albanelaría e de recollida e limpeza á conclusión dos partidos durante un período de seis meses.
A xuíza encargada da instrución imputou na causa, entre outros, ao xefe de departamento de Oreco, José Benito Vizcaíno, acusado de presunta falsidade documental continuada.
Relacionadas:
-
Condena de dous anos de cárcere para un directivo de Oreco por falsear as facturas das obras Pasarón
Por Oskar Viéitez |
-
Oreco e unha subcontrata aseguran que empregaron "150 romaneses" na limpeza de Pasarón
Por Redacción |
-
A Fiscalía acusa á construtora de Pasarón de cobrar facturas falsas pola limpeza do estadio
Por Redacción |
-
A Fiscalía pedirá a outras administracións máis documentación sobre as obras de Pasarón
Por Natalia Puga & Mónica Patxot |
-
Louzán declara ante a Fiscalía que os reformados de Pasarón foron aprobados por unanimidade e sen reparos
Por Oskar Viéitez & Alejandro Espiño |
-
Deputación e Concello darán "todas as facilidades" para que se investigue sobre Pasarón
Por Oskar Viéitez |