A pontevedresa Sheila Pazos, premio 'Xuventude Crea' na modalidade de moda
Por Redacción
Os estudantes da Escola Superior de Deseño e Moda de Galicia (Esdemga) seguen acumulando premios e recoñecementos pola súa creatividade. A última en conseguilo foi a pontevedresa Sheila Pazos, unha moza deseñadora que foi a gañadora da especialidade de moda do certame Xuventude Crea, convocado pola Xunta de Galicia.
Este premio, coñecido anteriormente como Tesoira, recoñece o traballo de Sheila Pazos coa súa colección Cu-cú. Presentouno baixo o pseudónimo de Coliflor e nela trataba de trasladar paisaxes montañosos ás súas creacións.
A deseñadora pontevedresa ten 28 anos e tras cursar a carreira de Belas Artes estuda actualmente na Esdemga.
Como gañadora deste premio, para o que presentou cinco pezas en total, recibirá 3.000 euros.
As súas creacións, do mesmo xeito que a do resto de premiadas, Noelia Taibo de Vedra (A Coruña) coa colección "Inner voice", e Sara Gago López da Coruña coa colección "Dúo", expoñeranse no Corte Inglés de Vigo ata o próximo 15 de novembro.
Relacionadas:
-
Sheila Pazos, de gañadora en Debut a finalista do certame International Talent Support
Por Redacción |
-
A estudante de moda Sheila Pazos viaxa cos seus "Paraísos artificiais" á Madrid Fashion Week
Por Redacción |
-
A Esdemga, gañadora da primeira edición da Competición Nacional de Escolas de Moda
Por Redacción |
-
Javier Nogueira triunfa nunha vistosa pasarela Debut 2014 no décimo aniversario de Esdemga
Por Redacción & Diego Torrado |
-
Debut 2014, moito máis que un desfile para unha Esdemga que celebra o seu décimo aniversario
Por Alejandro Espiño & Mónica Patxot |
-
Esdemga faise un oco na final dun concurso estatal de escolas de moda
Por Redacción |
-
Esdemga busca modelos para o desfile co que celebrará os seus dez anos de historia
Por Redacción |