Javier López, o pontevedrés do anuncio de Freixenet: "Nunca me hubiese esperado algo así"
Por Alejandro Espiño
Abraiado pola repercusión que tivo a súa participación no anuncio de Freixenet. "Evidentemente nunca puedes esperarte algo así", di Javier López. Este pontevedrés de 25 anos, estudante de Telecomunicacións, aínda non terminou de dixerir o que lle pasou estas últimas semanas. "Estoy en medio de la época de exámenes y prefiero no pensar mucho en ello para no descentrarme".
Como xa contamos en PontevedraViva o pasado sábado, Javier é unha das quince persoas anónimas que este ano protagonizan o anuncio de Freixenet, o anuncio televisivo máis agardado de cada Nadal. Renuncian ás tradicionais "celebrities" e o brinde realízao xente da rúa, algo que a este pontevedrés parécelle unha boa idea. "Es una respuesta lógica dada la delicada situación social del país. La verdad no creo que ahora una campaña titánica fuese acertada".
A súa participación no anuncio de Freixenet chegou case por casualidade. Decatouse que a marca de cava catalá organizaba un concurso. Pedían vídeos de persoas anónimas que brindasen polos seus desexos para 2013. E non o dubidou. "Faltaban tres días para que terminase el plazo y dije, voy a mandar algo". Mandou un total de oito vídeos, dos que seleccionaron catro como finalistas "y de ellos uno como el ganador, que es el que sale en el spot".
Foi o propio Bigas Luna, o director do anuncio, o que quedou prendado dese vídeo. Nel, brinda pola vida, un xesto que dedicou aos seus pais "porque ellos me la dieron y es el favor más grande que podrían haberme hecho". Aínda que o curioso é que os seus proxenitores non se decataron ata que se presentou a campaña. "Aunque suene raro, se me ocurrió de la noche a la mañana y no les dije nada hasta el final".
E aínda que rompa un pouco a maxia do anuncio, Javier recoñece que o que sae en anuncio non é el. Pero si é a cidade de Pontevedra, concretamente durante os fogos artificiais das Festas da Peregrina deste ano. "El protagonista es un amigo mío, Carlos Fontán. Yo manejaba la cámara y está grabado desde una de las orillas del río Lérez (concretamente aquí: http://goo.gl/maps/rbwOS), y lo grabamos todo a cámara lenta. Fue llegar, grabar e irnos".
Iso si, está moi satisfeito co resultado final do anuncio. "A mí personalmente, por la parte que me toca, me parece muy emotivo". E iso que non é novato nestas lides. Afeccionado como é á produción audiovisual e á música (ata hai non moito escribía un blog de música electrónica), os seus traballos xa conseguiron recentemente outros recoñecementos. Gañou un concurso internacional de Nokia e logrou o primeiro premio de fotografía de Ron Barceló, o que demostra unha creatividade que non pasa desapercibida.
Agora só lle queda decidir que vai facer cos 3.000 euros que Freixenet lle deu por seren seleccionado para este anuncio. Prefire non desvelar moito, porque "eso ya forma parte de mi espacio personal, ahí no quiero entrar". O único que ten claro é que o celebrará ao grande, "pero cuando termine los exámenes".