A falta de proxecto para o Carlos Oroza motiva a queixa do concelleiro de Educacion ante a Xunta
Por Redacción
O concelleiro de Educación de Pontevedra, Agustín Fernández, remitiu un escrito ao xefe territorial da Xunta, César Pérez Ares, ante a preocupación municipal pola situación dalgúns dos centros educativos da cidade.
Encabeza a lista o Centro Integrado de Formación Profesional Carlos Oroza, unha vez comprobado, segundo Agustín Fernández, a falta de proxecto de reforma para o centro: "incumprir os últimos anuncios despois de ter incumprido xa os compromisos firmes anteriores sobre o novo edificio non parece nin coherente nin aconsellable", reitera o concelleiro na carta.
Fernández cita tamén as queixas pola masificación do Ciclo Medio de Madeira na Xunqueira "produto, sen dúbida, da falta de investimento non Ensino".
Ademais o responsable municipal pregunta na misiva polas obras do CEIP Froébel "toda vez que executadas as dúas primeiras fases das obras anunciadas, queda pendente aínda máis da metade do investimento anunciado", sinala.
A este respecto o concelleiro pontevedrés solicita unha previsión de execución das fases restantes.
Xunto coa carta Agustín Fernandez remitiu ao xefe territorial de Educación unha lista das actuacións executadas nos centros educativos a cargo do Concello na última anualidade.
Relacionadas:
-
O concelleiro de Educación cre que as obras prometidas para o Carlos Oroza son "proxectos virtuais" do PP
Por Redacción |
-
Educación enviará ao Concello de Pontevedra o proxecto de ampliación do Carlos Oroza "cando estea rematado"
Por Oskar Viéitez |
-
Queixas pola masificación do alumnado nos centros de FP
Por Oskar Viéitez |
-
Educación avanza na ampliación do Carlos Oroza fronte á construcción dun novo centro e "estase traballando xa cos planos"
Por Natalia Puga |