Rafael Louzán: "En moi pouco tempo o polígono de Barro-Meis estará totalmente ocupado"
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
O presidente da Deputación, Rafael Louzán, anunciou que nos próximos días unha grande empresa pontevedresa formalizará a compra dunha gran superficie no polígono empresarial de Barro Meis. O acordo está pendente de peche.
"O acordo vai en boa dirección e posiblemente nos próximos días estaremos falando de máis empresas", dixo o presidente provincial, "isto indicanos que a situación, de xeito leve, pero vai mellorando", engadiu.
Fontes sindicais consultadas por PontevedraViva aseguraron que esa grande empresa é o Grupo Froiz que solucionaría con esta operación as limitacións que padece o seu centro loxístico de Lourido.
Ante o estancamento do proxecto do polígono de Fragamoreira en Poio o polígono de Barro-Meis formúlase como unha alternativa solvente e de garantías para solucionar os novos retos que afronta o Grupo Froiz tras a compra de Supermercados Moldes.
VIVEIRO DE EMPRESAS
A Deputación de Pontevedra adxudicou a construción do Viveiro de Empresas de Lalín á empresa Copcisa en 467.740 euros. A adxudicación do viveiro que se situará no polígono de Barro-Meis, pola súa banda, foi adxudicada provisionalmente pero a ratificación definitiva do acordo está pendente de que a empresa xustifique a baixa temeraria da oferta que presentou e que, provisionalmente, resultou gañadora do concurso.
A construción dos dous Viveiros son froito dun convenio subscrito entre a Deputación e a Fundación Incyde e supoñerán un investimento de 2,5 millóns de euros.
Relacionadas:
-
O polígono de Barro Meis acada o 50% de ocupación
Por Redacción |
-
Varias empresas interésanse "fóra de prazo" por adquirir unha parcela en Barro Meis
Por Redacción |
-
Adxudicadas a Vila Miño S.A., en 1,3 millóns de euros, as obras do viveiro de empresas de Barro-Meis
Por Redacción |
-
Ademáis de Froiz outras tres empresas amosaron interese en instalarse en Barro-Meis
Por Redacción |
-
Magín Froiz: "La sede principal del Grupo Froiz está en Poio y seguirá estando en Poio"
Por Alejandro Espiño |
-
Dúas grandes cadeas de supermercados pugnaron con Froiz para mercar Moldes
Por Anxo Lourido |
-
Grupo Froiz alcanza un acordo para comprar Supermercados Moldes
Por Redacción |
-
Luciano Sobral acusa a Xestur de "boicotear" o polígono de Fragamoreira
Por Oskar Viéitez |