Louro lamenta o retraso e a escaseza das axudas á rehabilitación no Centro Histórico
Por Redacción
A Área de Rehabilitación Integral (ARI) do Centro Histórico de Pontevedra non recibirá fondos públicos do Plan Nacional de Vivenda ata o ano 2015. O concelleiro de urbanismo, Antón Louro, lamentou a tardía sinatura do convenio entre o Ministerio de Fomento e a Xunta o pasado venres.
Preto de 70 propietarios de inmobles no Centro Histórico de Pontevedra agardan pola concreción das axudas públicas dende que a Xunta aprobou, en outubro de 2012 a proposta do Concello de Pontevedra para a declaración desta ARI. Non obstante, o Plan Nacional de Vivenda 2013-2016 aprobouse cun atraso superior a un ano.
A consecuencia da perda de dúas anualidades é que a xestión real das axudas públicas dende os concellos limitarase ao período 2015-2016.
Ademáis Louro advirte da escaseza das axudas consignadas, 35 millóns de euros a repartir en toda Galicia en dúas anualidades, á espera de coñecer as partidas que dotará a Xunta.
En canto ás axudas finais, tan só está concretado que o Ministerio achegará un máximo de 11.000 euros por cada actuación individual, pero falta aínda por definir a parte da Xunta de Galicia.
Louro estima que, dada a situación producida, o Concello debería estudar a posibilidade de incrementar as subvencións á rehabilitación con fondos municipais.
Relacionadas:
-
O Concello propón un investimento de seis millóns de euros no ARI do centro histórico
Por Redacción |
-
O modelo urbano esténdese a Estribela
Por Natalia Puga |
-
Unha residencia para a terceira idade e centro de día no edificio de Almacéns Rodiño
Por Diego Espiño |
-
Un millón de euros para o ámbito de Santa María, A Ferrería e Valentín García Escudero
Por Redacción |
-
Baleirarán o interior do edificio afundido no centro histórico para evitar que colapse por completo
Por Alejandro Espiño |
-
Piden a Patrimonio que defina os criterios sobre as obras que deben solicitar a súa autorización
Por Redacción |