Ponte Caldelas déixase levar polo bo ambiente nunhas concorridas Festas dos Dolores
Por Redacción
Ata que na madrugada do próximo martes 2 a mércores 3 de setembro os lumes artificiais poñan fin aos festexos, os veciños de Ponte Caldelas gozan dunhas intensas Festas dos Dolores.
Música e actos relixiosos coparon as primeiras horas de celebracións, coa tradicional procesión da Virxe da Sagrada Familia na tarde do sábado polo centro da vila.
Pouco despois a Alameda acolleu un encontro folclórico protagonizado pola Banda de Gaitas Os Coribantes de Buchabade (Ponte Caldelas) e as agrupacións musicais La Madreña, de Posada de Llanera (Asturias) e o grupo La Robleda, de Cabezón de la Sal (Cantabria).
A xornada festiva completouna un pasarrúas da Banda de Música de Mondariz e a verbena, a partir das 23:00 horas.
Este domingo, ademais doutro pasarrúas a cargo da Banda de Música de Salcedo, será a quenda para que Os Coribantes de Buchabade presenten publicamente o seu novo disco, finalizando a xornada co concerto da orquestra Olympus e a actuación das populares Cantareiras de Ardebulo, Mucha e Nucha.
Relacionadas:
-
Os mozos de Anceu volven honrar á Virxe dos Dolores coa súa ancestral 'danza branca'
Por Redacción |
-
Dispositivo especial de tráfico en Ponte Caldelas durante a Festa dos Dolores
Por Redacción |
-
A Festa da Batalla e os Dolores, grandes citas festivas para o mes de agosto en Ponte Caldelas
Por Redacción |