Tapian o quiosco da Praza de Barcelos pola presenza de okupas
Por Redacción
O goberno local ordenou a realización de traballos de limpeza e de tapiado do quiosco situado no centro da Praza de Barcelos de Pontevedra. O local deste negocio encontrábase en moi malas condicións durante os últimos meses debido ao amoreamento de lixo na zona do mostrador e detectárase a presenza de ocupas que empregaban este espazo para pasar a noite.
O establecemento encóntrase á espera de que a Confederación Galega de Persoas con Discapacidade (COGAMI) se faga cargo das instalacións despois de que a esta organización se lle adxudicasen este negocio e outros cinco quioscos máis do centro urbano. O goberno local agarda que, nos próximos meses, COGAMI rehabilite o espazo.
A decisión de tapialo temporalmente débese a que puidese producirse algún episodio de insalubridade co perigo de que numerosos nenos xogan no ámbito do parque infantil da praza.
Relacionadas:
-
A Rede Galega de Kioscos presenta un ERE extintivo para 16 persoas con discapacidade en Pontevedra
Por Redacción |
-
Unha nova pel 'vexetal' para o quiosco da praza de Barcelos
Por Alejandro Espiño |
-
Dez persoas con discapacidade formaranse como caixeiros de supermercado a través de Cogami
Por Redacción |