O Concello programa as obras que acometerá nos colexios
Por Oskar Viéitez
A concellaría de Educación do Concello de Pontevedra está a elaborar o listado de obras que acometerá durante este verán nos colexios do municipio.
O aparellador municipal traballa nesa relación de obras cunha dificultade engadida, os problemas que formula a nova lexislación, xa que algunhas obras que estaba a realizar a administración local poderían invadir competencias da Xunta.
O concelleiro de Educación, Agustín Fernández, explicou que xunto aos informes económicos haberá que xustificar a inexistencia de duplicidades cos programas da Consellería.
Entre as competencias do Concello encóntranse as de reparación, mantemento e conservación, é dicir, inclúen actuacións de pintura, revisión e reparación do sistema eléctrico, reposición de fluorescentes, limpeza de caneiros, reparación de aulas e espazos comúns, reparación de lavabos e urinarios.
A gran maioría dos traballos pendentes son pequenas actuacións, moi necesarias para o correcto funcionamento dos centros educativos, aínda que as características doutros traballos de reforma formulan serias dúbidas sobre o seu encaixe nestas responsabilidades do goberno local.