Dúas persoas resultan feridas nun accidente de tráfico en Caldas
Por Redacción
A perda de control dun dos turismos presúmese como a causa do accidente entre dous vehículos que se rexistraba arredor das 16.00 horas no cruzamento entre a N-550 e a N-640 no Concello de Caldas.
Dúas persoas resultaron feridas como consecuencia do accidentefrontolateral que se producía no desvío cara a Caldas. Un dos turismos circulaba en dirección a Cuntis mentres que o outro realizaba o xiro cara a Caldas de Reis.
Unha das persoas feridas tivo que ser trasladada en ambulancia do 061 ata o Hospital do Salnés, segundo a información facilitada por Protección Civil de Caldas. Ata o lugar achegouse unha dotación da Garda Civil de Tráfico e foi necesario que os servizos de mantemento de estradas realizasen traballos de limpeza no punto onde se produciu o impacto.