![](/web/cache/scene/uploads/fotos/foto/849/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/53a3625f5d-la-foto-1-1-.jpg)
© Plataforma de afectados de O Salnés
Preferentistas do Salnés e Pontevedra abandonan as protestas ao recuperar case todos os seus aforros
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/cf2/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/53a3627bd8-la-foto-2-1-.jpg)
© Plataforma de afectados de O Salnés
Tras case dous anos de mobilizacións continuas, as plataformas de afectados polas participacións preferentes e débeda subordinada do Salnés e Marín-Pontevedra decidiron abandonar as protestas. Así o anunciaron tras unha reunión celebrada en Sanxenxo.
Toman esta decisión tras as últimas devolucións de fondos aos seus integrantes, que permitiu, sinalan, que a maioría recuperaron o seu diñeiro ou están a punto de facelo.
Moitos dos afectados de ambas as dúas organizacións cobraran xa mediante o sistema de arbitraxe que puxo en marcha a Administración. Non obstante, tras a chegada da nova dirección de Novagalicia Banco, os casos fóronse resolvendo a través de acordos que foron alcanzando directamente nos últimos meses coa entidade financeira.
Trátase dunha medida similar á adoptada recentemente por outras plataformas similares como as de Val-Miñor, O Morrazo e A Coruña.
En todo caso, ambas as dúas plataformas non se disolverán aínda. No Salnés deixarán activa unha comisión de seguimento para pechar unha serie de flocos co banco, mentres que a de Pontevedra manterá as denuncias que presentaron contra exdirectivos de Caixa Galicia e Caixanova polo seu papel na comercialización destes complexos produtos híbridos.