Condenan a 27 anos de cárcere a tres acusados de introducir 20 quilos de heroína dende Portugal
Por Redacción
A Audiencia Provincial de Pontevedra impuxo condenas que suman 27 anos de prisión a tres persoas acusadas de introducir heroína dende Portugal.
Segundo o tribunal pontevedrés quedou probado que os tres acusados, dous homes de Tomiño e un cidadán portugués integraban un grupo dedicado a introducir heroína e outras drogas en España utilizando como tapadeira o negocio de compravenda de coches que posuía un deles na localidade pontevedresa da Guarda.
Os tres deberán pagar ademais, en concepto de multa, 354.600 euros cada un.
A sentenza subliña que nun arcón na casa familiar dos dous españois foron achados 20 quilogramos de heroína.