Deteñen un caco que roubaba aos pais mentres deixaban os seus fillos na gardaría
Por Redacción
A Garda Civil detivo a J,G.C.S., de 33 anos de idade e veciño de Vilagarcía de Arousa, como suposto autor de 32 furtos en interior de vehículos estacionados nas inmediacións de centros de educación infantil e gardarías situadas en distintos concellos de Pontevedra e A Coruña.
Segundo fontes do Instituto Armado, durante o mes de marzo detectárase un incremento no número de furtos no interior de vehículos nas inmediacións de varios colexios e gardarías. En todos os feitos coincidía o mesmo modus operandi: o autor dos furtos preséntase nas inmediacións dos centros de educación infantil a primeira hora da mañá ou ao medio día e aproveita para subtraer os bolsos, teléfonos móbiles, portátiles e outros efectos que as vítimas adoitan deixar á vista, cando os pais deixan o turismo aberto mentres levan ou recollen os seus fillos.
Para previr a comisión de novos furtos e localizar o autor, a Garda Civil do Posto Principal de Cambados intensificou as vixilancias nos centros educativos, especialmente nos horarios de maior risco, comprobándose que moitos pais deixaban, mesmo, as portas abertas do vehículo e coas chaves no contacto, durante os minutos tardaban en que levar ou recoller aos seus fillos.
Impútanselle roubos en Barro, Ribadumia, Moraña, A Estrada, Cambados, Meis, Cangas do Morrazo, Lalín y Silleda
Sobre a base das investigacións realizadas púidose localizar o presunto autor dos feitos e o vehículo que adoita utilizar para desprazarse a distinto puntos da comunidade autónoma.
Finalmente, o pasado día 26 de maio, procedeuse á detención do suposto autor a quen se lle imputa un total de 32 furtos en interior de vehículos, labores durante os meses de marzo, abril e maio do presente ano en colexios de varios concellos desta provincia: Barro, Ribadumia, Moraña, A Estrada, Cambados, Meis, Cangas do Morrazo, Lalín e Silleda.