Ferido un traballador que se precipitou dende unha altura de cinco metros en Caldas
Por Redacción
Un home resultou ferido e tivo que ser trasladado ao hospital tras precipitarse dende unha altura de cinco metros mentres traballaba nunha nave de Caldas de Reis.
O accidente laboral rexistrouse sobre as 13.30 horas deste mércores no lugar de Soutelo de Arriba, na parroquia caldense de Saiar, segundo informou o Centro de Atención de Emerxencias de Galicia-112.
Ao parecer, o home estaba a traballar no alto da nave e, por motivos que se descoñecen, precipitouse ao baleiro. Ao lugar acudiron Proteccción Civil e a Garda Civil de Caldas, que levantou atestado do accidente.
Segundo informou Urxencias Médicas de Galicia 061, acudiron ao punto do sinistro unha ambulancia e un médico, que determinou o seu trasado ao Hospital Montecelo de Pontevedra.