ÿ elitista a comida ecolóxica?
Por Redacción
Corre o tópico que a comida ecolóxica é elitista. Que os produtos ecolóxicos son "os de casa de toda a vida".
Sara Cifuentes, presidenta de Apega, a Asociación de Produtores ecolóxicas de Galicia, aclara que os produtos ecolóxicos, tamén chamados, biolóxicos, orgánicos ou bio, son aqueles obtidos sen a utilización de produtos químicos.
Estes produtos naturais, xa sexan procesados ou non, produtos cárnicos, agrícolas, viños e bebidas, ningún pode presentar residuos químicos para que sexan denominados produtos orgánicos. Son produtos que contan coa súa propia etiqueta, unha certificación de garantía que concede a Unión Europea.
Co obxectivo de resolver dúbidas como estas, Apega organizou en colaboración co Concello de Pontevedra unha xornada dedicada a estes produtos no Centro Social Zona Leste que inclúe charlas destinadas a informar sobre estes alimentos. Esta iniciativa, programada para este sábado, conta co apoio de varios restaurantes que resaltan outro valor como é o da calidade e esmerada produción que avala esta etiqueta ecolóxica.
Susana Carracela, membro de Apega, comentou que aínda que estes produtos se poderían catalogar como produtos gastrónomo ou delicatessen, cada día se poden comprar con maior facilidade fóra das tendas especializadas grazas ao aumento do consumo de produtos naturais polos beneficios que supoñen para a saúde.