O patrón de Belas Artes sae en procesión
Por Redacción
Como cada mes de maio chegou a festividade de San Ero, patrón dos alumnos da facultade de Belas Artes de Pontevedra.
Vestido de mergullador, en referencia á forma de 'peixeira' que ten o patio interior acritalado do centro, os universitarios cumpriron co rito de sacar o seu particular santo en procesión polas rúas de Pontevedra.
A festa concentrouse na facultade e durante boa parte do día estendeuse aos seus xardíns estremeiros ata que a Policía Local ordenou o desaloxo tras encontrar un numeroso grupo de mozos bebendo.
Ao igual que nos contos, a festa no vello cuartel de San Fernando concluíu a media noite, aínda que a maioría dos universitarios decidiron 'tomar a última' nos locais de ocio do centro.