Avanzan as obras de mellora dos accesos á Casa do Pobo de San Xurxo de Sacos
Por Redacción
A deputada provincial Ana Isabel Vázquez e o alcalde de Cotobade, Jorge Cubela, visitaron durante a mañá deste xoves 8 os traballos de ensanche da calzada e de creación de novo pavimento nos accesos á Casa do Pobo de San Xurxo de Sacos.
Estas obras desenvólvense con maquinaria da Deputación e o Concello encárgase da adquisición do material para acometer a pavimentación. Nestes momentos estanse a realizar os movementos de terra necesarios para ensanchar a calzada e nivelar o terreo. Tras estes traballos aplicarase unha capa de zahorra e dunha nova capa de rodaxe de formigón
Unha vez finalizados os traballos, a estrada quedará cun ancho de 5 metros, segundo informa a Deputación provincial. Esta obra facilitará o acceso á Casa do Pobo de San Xurxo, adquirida polos veciños ao Estado e que foi rehabilitada coas axudas da Comunidade de Montes e do propio concello, que achegou 30.000 euros.