Identifican 51 furtivos na Ría de Arousa
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Axentes do Servizo de Gardacostas de Galicia identificaron a 51 persoas que estaban faenando de xeito ilegal na Ría de Arousa no marco de distintos operativos de control realizados nas dúas últimas semanas.
Os inspectores deste organismo dependente da Consellería do Medio Rural e do Mar identificaron en todo Galicia a 69 furtivos, comisaron preto de 650 quilos de peixe e marisco, requisaron 179 aparellos de pesca e fixéronse con 4.550 metros de artes de enmalle.
Nos operativos realizados na Ría de Arousa os axentes aprehenderon 17 aparellos e comisaron preto de 71 quilos de especies. Na Ría de Pontevedra fixéronse con 27 artes de pesca (a maioría delas, nasas), máis de 58 quilos de distintas especies e 50 metros de artes de enmalle.