O pleno de marzo queda aprazado ata o luns 31 en sinal de duelo polo falecemento de Suárez
Por Redacción
A xunta de voceiros do Concello de Pontevedra decidiu trasladar ao próximo luns 31 a celebración do pleno da corporación previsto para este luns 24 como sinal de duelo ante o falecemento do ex presidente do Goberno, Adolfo Suárez. Desenvolverase ás 11.00 horas no Teatro Principal cos mesmos temas que xa estaban previstos.
Os voceiros dos tres grupos políticos con representación no Concello de Pontevedra acordaron tamén enviar un telegrama de condolencia á familia de Adolfo Suárez.
"ÿ unha cuestión de condolencias. Non vai panexírico ningún", indicou o portavoz do goberno municipal Raimundo González para afirmar que "agora facer panexíricos por parte incluso de persoas que non compartiron ese tipo de políticas sería un exercicio de cinismo. Nós non eramos coincidentes, outra cousa é que valoraramos a actuación do presidente Suárez no seu momento e nas cuestións de índole familiar, fora do ámbito político, hai coincidencia total. O demais é cinismo político".