A Corporación Municipal decidirá no Pleno se reclama a devolución do 'céntimo sanitario'
Por Redacción
O goberno local de Pontevedra podería reclamar á Xunta de Galicia o diñeiro pagado nos últimos anos a causa da implantación do 'céntimo sanitario' como imposto nos carburantes.
A corporación deberá decidir no Pleno Municipal deste próximo luns, 24 de marzo, se aproba a moción presentada polo Grupo Socialista e solicita esta devolución sobre a base da facturación de combustible da frota de vehículos do Concello.
Esta posibilidade ábrese tras a recente sentenza do Tribunal de Xustiza da Unión Europea, que considerou a imposición como contraria ao dereito comunitario e abriu a porta á reclamación por parte de particulares, empresas e os propios organismos públicos.
Segundo argumenta o texto da moción, "a única limitación que aparentemente podería restrinxir a reclamación deste imposto, implantado en Galicia en 2002, estaría no período de prescrición aplicable legalmente".
Desta forma, a proposta recolle que os servizos xurídicos do Concello estuden as opcións legais para a devolución e insta ademais a Goberno Central e Xunta de Galicia a habilitar os mecanismo necesarios para facilitar os trámites aos particulares, autónomos e empresas que queiran recuperar os pagado por este concepto.
Segundo os datos oficiais da administración autonómica, a recadación do 'céntimo sanitario' ascende a 100 millóns de euros ao ano na Comunidade.
Relacionadas:
-
Ponte Caldelas solicita ao goberno a devolución de 3.500 euros correspondentes ao "céntimo sanitario"
Por Redacción |
-
A Deputación reclamará á Axencia Tributaria a devolución de 31.000 euros do céntimo sanitario
Por Redacción |
-
Os transportistas pontevedreses reclaman a devolución de máis 20 millones de euros polo céntimo sanitario
Por Oskar Viéitez |
-
A Cámara de Comercio de Pontevedra pon en marcha unha plataforma para recuperar o "céntimo sanitario"
Por Redacción |