O colectivo 'Por un parque para perros digno' solicita unha audiencia urxente co alcalde
Por Redacción
O colectivo 'Por un parque para perros digno' presentou no rexistro do Concello unha solicitude con carácter urxente para que o alcalde de Pontevedra, Miguel Anxo Fernández Lores, reciba varios representantes deste grupo que reclama espazos verdes no núcleo urbano para poder pasear sen correa as súas mascotas.
Estes propietarios de cans presentan ademais un manifesto no que reclaman o acondicionamento do canil de Alba coa instalación de iluminación que permita acudir ata alí pola noite; habilitar horarios en zonas verdes da cidade para que os cans poidan xogar soltos con opcións na Parda, o Miradoiro de Monte Porreiro e a Illa das Esculturas, ademais da zona dos gafos, Campolongo, Alameda, Valdecorvos e Torrente Ballester; e que se eviten as sancións mentres non se establecen horarios neses espazos que solicitan para o paseo de cans sen correa e se retiren as sancións inxustas.
Por outra parte, o colectivo convocou para este sábado 29 de marzo unha nova concentración a partir das 12.00 horas no barrio de Campolongo, fronte á igrexa de San Xosé. Os organizadores teñen previsto dirixirse dende alí ata o canil das marismas de Alba para demostrar que é un espazo insuficiente se coinciden numerosos cans.
Relacionadas:
-
Un cento de manifestantes reclama espazos para cans sen correa nos parques pontevedreses
Por Anxo Lourido |
-
O colectivo 'Por un parque para perros digno' protesta cun paseo desde Campolongo ata as marismas de Alba
Por Redacción |
-
O colectivo 'Por un parque para perros digno' prepara novos actos de protesta
Por Redacción |
-
Protesta baixo o lema "Un parque para cans digno"
Por Oskar Viéitez |
-
O goberno local nega que haxa unha campaña de persecución contra os donos de cans
Por Redacción | Creada e actualizada