O mercado ecolóxico enche a praza Massó de Bueu
Por Oskar Viéitez
Con grande éxito de público, a Praza Massó de Bueu acolleu este domingo a terceira edición do Mercado Ecolóxico e Artesanal que incluíu como novidade un Xantar Ecolóxico en Casa Quintela no que por 10 euros os que reservaron praza puideron degustar tres tapas, sobremesa e bebida.
Un total de 63 expositores ofreceron produtos de todo tipo baixo esta etiqueta "eco".
Entre o público asistente estivo o alcalde de Bueu, Félix Juncal, que acudiu acompañado do voceiro nacional do BNG, Xavier Vence, e membros da corporación municipal.
Vence destacou a importancia de gobernar dende os concellos "coa valentía, e incluso insubmisión, necesarias para facer fronte ás imposicións do PP dende o goberno do Estado e da Xunta, para que os modelos de goberno alternativos e socias como os de Bueu, poidan demostrar que é posible crear oportunidades de emprego na nosa terra e levar adiante proxectos realmente transformadores que afiancen a economía local".