"Ningunha barreira física vai impedir que a Policía Nacional continúe patrullando todas as rúas desta cidade"
Por Natalia Puga
O comisario xefe da Policía Nacional de Pontevedra, Juan José Diaz Jiménez, quixo aproveitar este mércores o acto oficial do seu patrón, os Santos Anxos Custodios, para defender a necesidade de que a Policía realice o seu traballo de patrullar a cidade.
"Quero aproveitar este acto para reiterar que ningunha barreira física nin de ningunha outra índole vai impedir que os vehículos da Policía Nacional continúen patrullando absolutamente todas as rúas desta cidade", indicou durante o seu discurso.
A afirmación cobra un significado específico se se pon en contexto coa polémica xurdida nos últimos meses en Pontevedra tras a colocación de bolardos na rúa Peregrina, nas proximidades da glorieta de Compostela.
Tras esa colocación, sindicatos da Policía Nacional e outras entidades relacionadas coas emerxencias mostraron o seu rexeitamento, así como o PP e o PSOE, advertindo todos que estes elementos impedían o paso dos vehículos policiais e de emerxencias, pero o Goberno local defendeu que funcionaban ben.
O comisario, no seu discurso, non realiza ningunha alusión específica aos bolardos, aínda que a súa afirmación podería aplicarse a este contexto. Ademais, xusto despois referiuse ao modelo de cidade de Pontevedra, ao que o Goberno local apelou para defender a súa instalación.
Así, o comisario defendeu que esa tarefa policial de patrullar a cidade "non é en absoluto incompatible co modelo de cidade que se desenvolveu en Pontevedra".
A continuación, Juan José Diaz defendeu o modelo de cidade "humanizado" e lembrou que "foi premiado en diversas ocasións" e que sobre el "interesáronse cidades tanto do noso país como do estranxeiro" .
A necesidade de patrullar, defende o responsable policial, supón cumprir "o mandato constitucional de protexer os dereitos e liberdades dos cidadáns".
No acto estaba presente, na mesa de autoridades, o alcalde de Pontevedra, Miguel Anxo Fernández Lores, que non puido ocultar certo malestar.
Relacionadas:
-
O PP insiste na súa postura contra os bolardos da Peregrina, unha decisión "unilateral" de Lores que ve "inentendible"
Por Natalia Puga |
-
Lores, tras as declaracións do comisario: "Hai xente á que lle custa entender que o espazo público é para as persoas"
Por Natalia Puga |
-
O PSOE reitera o rexeitamento aos bolardos en Peregrina: "non consta informe da Policía Local que avale a súa instalación"
Por Redacción |
-
Advirten do risco dos bolardos de 'Boa Vila' da Ferrería e Curros Enríquez
Por Oskar Viéitez |
-
Os bolardos de Peregrina seguirán durante "meses" porque, segundo Mosquera, están funcionando "moi ben"
Por Alejandro Espiño |
-
Duros reproches ao BNG pola súa "nula xestión" para resolver os incidentes na Ferrería ou Campolongo
Por Alejandro Espiño & Mónica Patxot |
-
"Menos bolardos, máis policía", a petición do sindicato SUP ante o "desprezo" do goberno local cos bolardos
Por Natalia Puga & Mónica Patxot |
-
O PP pide ao alcalde que “rectifique” cos bolardos da Peregrina e ínstao a buscar "consenso"
Por Natalia Puga |
-
Os bombeiros de Pontevedra tamén rexeitan os bolardos da Peregrina
Por Mónica Patxot & Anxo Lourido |
-
A instalación dos bolardos na rúa Peregrina non foi unha medida consensuada
Por Oskar Viéitez |
-
Os bolardos de Peregrina son "temporais", insiste o goberno municipal, e foron "consensuados" coa Policía
Por Alejandro Espiño |
-
Alertan da imposibilidade de acceso dos vehículos de emerxencias pola instalación de bolardos na rúa Peregrina
Por Oskar Viéitez |
-
Instalarán tres bolardos extraibles en Peregrina para cortar os 'atallos' dos repartidores
Por Alejandro Espiño |