![](/web/cache/scene/uploads/fotos/foto/d78/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0knKLynJz1WyrgUA_/66e28fc02f-001.jpg)
© Servizos de Emerxencia de Sanxenxo
Unha condutora ferida en Meaño tras impactar contra un poste do tendido eléctrico
![Anxo](/web/cache/scene/uploads/xornalistas/foto/022/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/6683d39821-a.jpg)
Por Anxo Lourido
![](/web/cache/scene/uploads/fotos/foto/f23/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66e28f8d06-000.jpg)
© Servizos de Emerxencia de Sanxenxo
Unha moza veciña de Meaño sufría un accidente durante a mañá do mércores en Padrenda, no municipio de Meaño, cando circulaba pola estrada EP-9205.
A condutora perdía o control do turismo e impactaba contra un poste do tendido eléctrico, segundo indican desde o servizo de Emerxencias de Sanxenxo, que acudiu ao lugar para socorrer á vítima do sinistro.
Como consecuencia do forte impacto, o poste eléctrico quedaba inclinado sobre a estrada con perigo de que se desprendera.
Foi necesario desviar a circulación de vehículos para que operarios da empresa do servizo eléctrico reparasen a estrutura.
A vítima do accidente foi trasladada ao Hospital Quirón Salud de Pontevedra para unha exploración das feridas sufridas.
Ata o lugar desprazábanse integrantes do GES de Sanxenxo, ademais da Garda Civil e da Policía Local de Meaño.
Relacionadas:
-
En xullo e agosto houbo 2,8 millóns de vehículos de paso pola provincia de Pontevedra, a cifra máis alta dende 2019
Por Oskar Viéitez |
-
Ferido un condutor ao impactar contra un poste da luz en Vilalonga
Por Redacción |
-
Atropelo dun viandante en Portonovo
Por Redacción |
-
Aparatosa saída de vía en Sanxenxo e incendio dun turismo en Poio
Por Redacción |
-
Cae un camión por un terraplén en Caldas deixando un traballador ferido
Por Redacción |