O campus de Pontevedra arranca o curso dando a benvida ao alumnado que este ano comeza a súa vida universitaria
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
O vindeiro luns 9 de setembro a Universidade de Vigo arranca oficialmente o curso 2024/2025.
Este xoves terá lugar unha xornada de benvida no campus de Pontevedra, concretamente na Escola de Enxeñaría Forestal.
Será unha xornada de acollida informativa e lúdica na que o estudantado que comeza a súa vida universitaria pode coñecer os servizos e instalacións que teñen á súa disposición.
En total, a Universidade de Vigo ofertou para o curso 2024/2025 un total 3.836 prazas de novo ingreso de grao (e 1.733 de mestrado).
Cando aínda está aberto o prazo de matrícula, os datos de alumnado de novo ingreso son xa os mellores de toda a serie histórica de ocupación desta institucion académica, tal e como ten destacado o reitor, Manuel Reigosa, acadando taxas de ocupación superiores ao 100% nos tres campus da institución académica.
No sexto chamamento para efectuar a matrícula aberto agora, das 12 titulacións de grao do campus de Pontevedra, só ten a matrícula aberta Enxeñaría Forestal.
Relacionadas:
-
A Universidade de Vigo programa tres concertos no Teatro Principal, gratuítos e abertos a toda a cidadanía
Por Oskar Viéitez |
-
O campus de Pontevedra recupera a vida coa volta do alumnado
Por Oskar Viéitez |
-
Por primeira vez este curso impartirán clase profesores nados no século XXI
Por Oskar Viéitez |