Desde a carballeira do San Xusto, Feijóo insta a Sánchez a dimitir e convocar eleccións
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
![](/web/cache/scene/uploads/fotos/foto/55e/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66d3053d9d-f43e6df2f591f9fad90f2deb1aeed146e4b1d93aw.jpg)
© EFE / Lavandeira Jr
![](/web/cache/scene/uploads/fotos/foto/403/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66d31fcaba-20240831_arueda_inicio_curso_poli-tico5.jpg)
© PP
![](/web/cache/scene/uploads/fotos/foto/b9a/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66d31fdf63-20240831_arueda_inicio_curso_poli-tico3.jpg)
© PP
![](/web/cache/scene/uploads/fotos/foto/30c/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66d31ff559-20240831_arueda_inicio_curso_poli-tico4.jpg)
© PP
O presidente nacional do Partido Popular, Alberto Núñez Feijóo, cre que o presidente do Goberno, Pedro Sánchez, está nos "minutos de desconto" na Moncloa "ata que os independentistas piten o minuto de final de partido", polo que instou a "dimitir" e convocar eleccións, aínda que considera que para dar ese paso "hai que ter un mínimo de integridade e dignidade".
"Dimitir e convocar son os únicos verbos que debería conxugar" afirmou o líder popular nun aplaudido pareado. "¡España no es un país bananero y acabaremos con esa concepción!"
Feijóo inaugurou este sábado o curso político en España xunto ao presidente do PPdeG, Alfonso Rueda e o presidente de honra do partido Mariano Rajoy.
Ao acto, celebrado na Carballeira do San Xunto, asistiron preto de 2.500 persoas, entre elas, os presidentes autonómicos Alfonso Fernández Mañueco (Castela León) e Carlos Mazón (Valencia), as secretarias gerenales nacional, Cuca Gamarra, e autonómica, Paula Prado, o portavoz popular no Congreso, Miguel Tellado. Tamén estiveron os presidentes provinciais do PP nas catro provincias galegas, así como a práctica totalidade dos conselleiros do goberno galego.
No seu discurso, Feijóo asegurou que os populares volverán "gañar as eleccións e farémolo coa vantaxe suficiente para gobernar".
Tamén criticou que Pedro Sánchez aínda non recibise ao presidente da Xunta, "xa sei que hoxe é máis fácil entrar na Moncloa se patrocinas unha cátedra que se presides a Xunta de Galicia".
Nesta cuestión tamén ha inicidido o presidente da Xunta e líder do PP galego, Alfonso Rueda, que denunciou a diferenza de trato que aprecia no Goberno central respecto a uns territorios e outros.
Segundo Rueda, o presidente do Goberno de España trata a Galicia "con chulería" e sen atender as súas necesidades "nin hai iniciativas nin hai invesiones", mentres que "se somete á chantaxe" dos nacionalismos.
Alfonso Rueda tamén dixo que el se rebelará contra as decisións que prexudiquen a Galicia e recomendou ao resto de mandatarios autonómicos, tamén aos socialistas, que hagal o mesmo.
"Galicia non vai permitir que para beneficiar a algúns se nos prexudique aos demais", proclamou antes de comprometerse a que desde a comunidade galega "seremos os primeiros en garantir que non se tome ningunha decisión que prexudique ao conxunto".
Tamén criticou Rueda o "sectarismo e resentimento"do Partido Socialista galego que segundo dixo minutos antes o presidente provincial Luis López, durante oito anos tivo con Carmela Silva "el gobierno más rancio y más sectario de los 190 años de la Deputación".