A Garda Civil investiga con equipos especializados o accidente de tráfico en Marín no que morreron dous menores
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
A pedimento do Xulgado de Primeira Instancia e Instrución Nº 1 de Marín que instrúe a causa do accidente de trafico mortal que se cobrou a vida de 2 mozos de 16 e 17 anos veciños da vila, axentes do Subsector de Tráfico da Garda Civil de Pontevedra investigan as circunstancias específicas do sinistro.
O accidente produciuse a noite do 8 de decembro de 2023, á altura do pk-1,400 de estrada PO-313 (Marín-Moaña), onde supostamente un turismo Volkswagen Golf ocupado por 4 mozos que circulaba sentido Moaña invadiu o carril contrario e chocou frontolateralmente contra un Nissan Qashqai ocupado por un matrimonio que se dirixía a Marín.
Na colisión faleceron os dous menores que circulaban no asento traseiro e resultou ferida grave outra moza que viaxaba de acompañante.
A investigación deste tipo de accidentes leva a cabo polos equipos EPRAT (Equipo Periférico de Reconstrución de accidentes da Agrupación de Tráfico da Garda Civil).
Estes equipos especializados en accidentes complexos tratarán de determinar a velocidade á que circulaban os vehículos e posibles causas que provocaron a suposta invasión do carril contrario. Para iso efectuarán unha investigación minuciosa dos restos e vestixios do accidente, tales como un estudo da deformación dos vehículos, estado do asfalto, pneumáticos, ademais posibles manobras previas, empregando diversas técnicas para tratar de reconstruír o accidente e determinar como se desenvolveron os feitos.
O informe complementario poñerase ao dispor do Xulgado co obxecto de que poida axudar a determinar a posible causa do sinistro e con iso ademais as responsabilidades civís e penais do accidente.
Actualmente Galicia conta con 2 equipos EPRAT da Agrupación de Tráfico da Garda Civil, especializados na investigación e reconstrución de accidentes complexos, un con sede en Pontevedra creado en outubro de 2023 e outro con sede na Coruña creado en xaneiro deste ano.
Os citados equipos actúan en accidentes graves de circulación en demarcación da Garda Civil, así como a solicitude doutros Corpos Policiais ou por orde de Autoridades Xudiciais, como peritos en sinistros viarios.
Relacionadas:
-
Ileso tras envorcar co seu coche en Cambados
Por Oskar Viéitez |
-
Aparatoso accidente na estrada N-640 en Sobradelo cunha persoa ferida
Por Redacción |
-
O tenente coronel Óscar Grañas estará temporalmente á fronte da Comandancia de Pontevedra
Por Redacción |
-
O exceso de velocidade, posible causa do accidente con dous adolescentes mortos en Marín
Por Natalia Puga |
-
Dan de alta tres persoas atendidas no hospital tras o accidente mortal de Marín
Por Natalia Puga |
-
Dous días de loito oficial en Marín pola morte de dous menores nun accidente de tráfico
Por Natalia Puga |
-
Falecen dous menores nun accidente de tráfico entre dous coches en Marín
Por Natalia Puga | Creada e actualizada