Valongo agarda que dúas mil persoas asistan ás Festas da Filloa e da Virxe do Libramento
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
A parroquia de Valongo celebrará os días 30 e 31 de agosto e 1 de setembro a XLVI Festa Gastronómica da Filloa e da Virxe do Libramento, que a organización prevé que este ano dea cita a máis de 2.000 persoas.
O alcalde de Cerdedo-Cotobade, Jorge Cubela, acompañado polo tenente de alcalde, Fernando Vázquez, a concelleira Galiza Aguete e os membros da Comisión de Festas de Valongo fixeron público este mércores o programa.
Jorge Cubela agradeceu aos membros da comisión o esforzo que realizan para manter vivas as nosas tradicións e especialmente por conservar e potenciar a celebración do evento gastronómico máis veterano do municipio.
O Concello contribúe cunha subvención nominativa de 1.200 euros. Ademais, conta co apoio do Plan Cultural Municipal e o da Deputación financiando a actuación da Banda de Música Unión Musical de Tenorio e a cesión das mesas e bancos para a degustación das filloas durante a festa.
O programa festivo comeza o venres 30 de agosto a partir das 21 horas cunha gran churrascada amenizada por Son das Tabernas e o grupo musical Curtidoira.
O sábado ás 18:30 horas dará comezo a elaboración das filloas de Valongo que serán degustadas no campo das festas polo público asistente baixo unha carpa habilitada pola comisión. Pola noite, a partir das 22:30 horas, terá lugar a verbena coa orquestra Marazul e a Disco Móbil Doce Vita. Ás 23:55 horas haberá unha tirada de fotos de lucería.
O domingo 1 de setembro terá lugar a entrega de trofeos a partir das 12 do mediodía. Media hora máis tarde fará entrada a Banda de Música Unión Musical de Tenorio e ás 13:15 horas terá lugar a misa solemne seguida de procesión acompañada pola citada agrupación musical.
Relacionadas:
-
A Virxe do Rosario, San Roque e a Virxe do Carme enchen de festa Tenorio
Por Redacción |
-
Tributo a Juan Pardo nas festas de Aguasantas
Por Oskar Viéitez |
-
Rap, breakdance e unha festa 'holi' en Barro para despedir o mes de agosto
Por Redacción |
-
Chega a Festa dos Mozos de Campo Lameiro
Por Redacción |