Un control da Garda Civil na AP-9 en Caldas sorprende un mozo con 241 gramos de cocaína
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A Garda Civil comunicou a condición de investigado a un home de 30 anos que o pasado mércores foi localizado en posesión de 241,58 gramos de cocaína durante un control na autoestrada AP-9 en Caldas de Reis.
A patrulla da Garda Civil da compañía de Cambados tiña en marcha un dispositivo preventivo de seguridade cidadá o pasado mércores 21 na peaxe da autoestrada dentro do plan de resposta policial ao tráfico retallista e consumo de drogas en lugares, vías e establecementos públicos.
Os axentes deron o alto a un vehículo no que viaxaban tres persoas e observaron que un deles mostraba nerviosismo. Tiña unha mochila e no seu interior localizaron dúas bolsas cunha substancia esbrancuxada que resultou ser cocaína.
Trátase dun veciño de Vilagarcía de Arousa de 30 anos que conta xa con antecedentes policiais.
A Garda Civil comunicáronlle que está investigado por un suposto delito contra a saúde pública por tráfico de drogas polo que deberá comparecer no Xulgado de Caldas cando lle citen.