Actos relixiosos, churrascada e verbena para honar a San Bartolomeu no lugar de Famelga en Cerdedo-Cotobade
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O lugar de Famelga, pertencente á parroquia de Aguasantas en Cerdedo-Cotobade tamén celebra a onomástica de San Bartolomeu nunha xornada festiva prevista para este venres 23 de agosto.
O grupo folclórico Os Abrentes abren o programa deseñado pola comisión de festas, con sesión de pasarrúas. Ás 13.00 horas oficiarase misa solemne en honra a San Bartolomeu á que seguirá procesión do santo.
O campo da festa acollerá a partir das 21.00 horas unha gran churrascada popular á que se convida a veciños e visitantes. Ás 23.00 horas comezará unha verbena amenizada polo grupo Dixital. Seguiralle ata a madrugada unha sesión de dj a cargo de Bola de Cristal Eventos.