O PP de Poio reclama ao Goberno central unha saída da AP-9 en Portosanto
Por Anxo Lourido
O Partido Popular de Poio solicitará ao Goberno central a creación dunha nova saída da AP-9 en Portosanto, presentando unha moción que será debatida no pleno ordinario de agosto.
A concelleira popular Rocío Cochón explicou que a medida busca desconxestionar o nó da Barca, un dos puntos de maior intensidade de tráfico na provincia de Pontevedra, con máis de 23.000 vehículos diarios, dos que 1.200 son transportes pesados,.
A nova saída melloraría a seguridade e a mobilidade, especialmente nas parroquias de San Salvador e San Xoán, e sería economicamente viable ao conectar coa PO-309, unha vía ampla e de dobre sentido, en terreos de titularidade estatal.
Cochón destacou que a actuación beneficiaría a máis de 13.000 veciños e numerosos traballadores, así como a áreas de gran actividade como Campelo.
O PP espera o apoio unánime de todos os grupos da Corporación para esta proposta.
A moción foi ditaminada favorablemente na Comisión de Facenda, con votos a favor do PP e a abstención de PSOE e BNG.
Cochón subliñou a importancia de presentar a proposta ante o Goberno central co respaldo de toda a corporación municipal para garantir a súa execución.
O BNG AMOSA A SÚA PREOCUPACIÓN POLO PORTO DE COVELO
O BNG de Poio solicitará a reactivación do proxecto do Porto de Covelo convocando unha reunión cos colectivos implicados a principios de setembro.
O obxectivo é analizar o estado actual do proxecto, acordado en 2009 cun investimento de 1,5 millóns de euros, dos cales só se executou unha pequena parte.
O BNG considera prioritaria a mellora e humanización desta área para recuperar un núcleo turístico clave en Poio e afirma que continuará demandando unha partida orzamentaria para completar o proxecto.
Relacionadas:
-
O PSOE, máis aló de pedir unha saída da AP-9 en Portosanto, busca a mellora integral das comunicacións en Poio
Por Redacción |
-
Comezan as obras en Portosanto para ampliar a rede de abastecemento e pluviais no camiño do Castaño
Por Oskar Viéitez |
-
Estudan alternativas para corrixir o proxecto da estrada Portosanto-Campelo e mellorar a seguridade viaria
Por Redacción |
-
O BNG leva ao Parlamento galego a ordenación do porto de Covelo desde a PO-308
Por Redacción |