Manuel Campos, alcalde de Cuntis, costaleiro na procesión de San Roque
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/36d/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66c61362e8-05.jpg)
© Concello de Cuntis
![](/web/cache/scene/uploads/fotos/foto/4b3/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66c61362d1-04.jpg)
© Concello de Cuntis
Este mércores 21 de agosto, Cuntis acolleu unha das celebracións relixiosas máis emblemáticas do verán, a procesión de San Roque.
Unha gran cantidade de residentes de todas as idades participaron nun percorrido que, partindo da parroquia de Cequeril, percorreu máis de dez quilómetros ata chegar a Sebil.
A comitiva atravesou diversos camiños, sendas e pistas forestais nunha xornada calorosa, de arredor de 30 graos.
Un dos aspectos máis singulares desta procesión, que a converte nunha das máis especiais da provincia de Pontevedra, é a construción anual dunha pontella de madeira sobre o río Umia, realizada polos propios veciños.
Grazas a esta estrutura, a comitiva pode completar o seu traxecto ata Sebil, mantendo viva unha tradición con máis dun século de antigüidade.
O alcalde de Cuntis, Manuel Campos, participou activamente na procesión, chegando a exercer de costaleiro durante un tramo do percorrido, no que levou a imaxe de San Roque.
A metade de camiño, os participantes fixeron unha parada na Queizosa para un pequeno refrixerio que permitiu repoñer forzas antes de continuar.
A procesión rematou no campo da festa de Sebil cunha misa en honra a San Roque.
Ao finalizar, o alcalde Campos Valey agradecía o esforzo veciñal para manter viva esta tradición que forma parte esencial da historia e identidade de Cuntis.
As orixes desta celebración remóntanse a tempos nos que un grupo de veciños sacou a imaxe de San Roque en procesión para pedir protección contra enfermidades como a peste, establecendo así unha tradición que perdura no tempo.
Procesión de San Roque 2024 en Cuntis
O alcalde Manuel Campos participou como costaleiro
© Concello de Cuntis