Un incendio orixinado nunha embarcación de recreo en Beluso sorprende a unha decena de persoas
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Pasadas as 18.00 horas deste martes 20 de agosto, o Servizo de Gardacostas de Galicia alertaba ao 112 dun incendio que se rexistrara nunha embarcación de recreo na praia de Tulla, na parroquia de Beluso, en Bueu.
Na embarcación viaxaba unha decena de persoas, entre as que se atopaban varios menores.
Solicitouse asistencia sanitaria de xeito preventivo para atender a estes nenos.
Os propios ocupantes do barco afectado lograron apagar o incendio rapidamente.
Foron recollidos por outras persoas particulares que navegaban pola zona e trasladados ata o porto deportivo.
No 112 estudouse a opción de mobilizar o helicóptero de rescate Pesca I, pero finalmente non foi necesario ao non rexistrarse unha incidencia de maior gravidade.
Ata o lugar desprazáronse a embarcación Irmáns García Nodal e unha patrulleira da Garda Civil, ademais de Salvamento Marítimo, que tamén colaborou no operativo de emerxencia.
Relacionadas:
-
Rescatan un menor na ría arrastrado polo vento cando durmía nunha balsa
Por Anxo Lourido |
-
Rescatan catro persoas que navegaban nunha lancha no Grove cando o motor deixou de funcionar
Por Redacción |
-
Os socorristas de Sanxenxo detectaron 1.138 incumprimentos da ordenanza de praias en xullo
Por Redacción |