'A Recalada' "chegou para quedar"
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/35e/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66c21a37e5-3d29b93c-f0c9-4d92-ae42-df40bcaa3bd6.jpg)
© Concello de Soutomaior
![](/web/cache/scene/uploads/fotos/foto/1cd/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66c21a5251-400f1609-fda6-4575-ad16-af24dd725c50.jpg)
© Concello de Soutomaior
'A Recalada', un encontro do mar que se desenvolveu ao longo deste sábado, contou cun éxito de participación tanto no peirao de Arcade como na degustación a bordo no Balandro Santa Cruz, que esgotou as súas prazas das súas catro viaxes en apenas seis horas.
Tamén estiveron cheas as quendas de iniciación á vela e os paseos en kaiak pola ría.
Segundo explicou o alcalde de Soutomaior, Manu Lourenzo, "tradición, música, gastronomía e convivencia formaron e seguirán formando parte deste evento que chegou para quedar". Foi un atractivo tanto como para as xentes locais como para as visitantes, que tiveron a oportunidade de gozar dunha esperiencia cultural e de lecer a carón do mar.
Durante a xornada houbo actividades moi variadas, unha das máis bonitas foi o izado da bandeira das 15 embarcacións tradicionais que participaron neste encontro.
Tamén houbo citas relacionadas co mar, o turismo sostible, as artes de pesca, a artesanía local, a gastronomía, a música popular nunha ampla programación que contou con navegacións, concertos como os de Abelieras de Alxán, Chispas do Lérez, Son das Tabernas e Falperrys, exposicións, animación na rúa, artesanía, obradoiros e actividades para a cativada e para todas as idades.
Celebración da Recalada no peirao de Arcade
Na xornada do sábado 17 de agosto celebrouse no peirao de Arcade A Recalada, un encontro que busca realzar o patrimonio marítimo galego facendo fincapé na relación que teñen Arcade e Soutomaior co mar
© Concello de Soutomaior